Londonda Ortalyq Azııa jastarynyń sammıti ótti
ASTANA. KAZINFORM - Londondaǵy King‘s College ýnıversıtetinde Ortalyq Azııa jastarynyń I sammıti ótti, dep habarlaıdy ÓzA.
Sharaǵa 250-den astam qatysýshylar, 5 eldiń elshilikteriniń ókilderi, sondaı-aq jas kóshbasshylar men tájirıbeli mamandar jınaldy.
Sammıt jas belsendilerge Ortalyq Azııa elderi arasyndaǵy yntymaqtastyqty odan ári nyǵaıtý úshin tájirıbe almasýǵa, aımaqtyń bolashaǵy týraly ǵylymı jáne mádenı pikirtalas ótkizýge, bilim, saıasat jáne sport salalarynda pikir almasýǵa múmkindik berdi.
Sammıt aıasynda Ortalyq Azııa elderiniń elshilerimen ashyq dıalog uıymdastyryldy.
Qatysýshylar ózderin qyzyqtyrǵan suraqtaryna jaýap aldy. Olar aımaqtaǵy saıası ahýal jóninde pikir almasty. Bir sózben aıtqanda, jastar bilimderin shyńdap, aımaqtyq máselelerdi sheshýde jańa tájirıbelik daǵdylarǵa ıe boldy.
Eske sala keteıik, alǵash ret qazaqstandyq Londonnyń Qurmetti mýzykanttar qaýymdastyǵynyń Kúmis medalin ıelendi.