Londonda órt shyqqan poıyzdan júzdegen jolaýshy evakýatsııalandy
ASTANA. QazAqparat - Sársenbi kúni Londonnyń ońtústik-batys bóliginde órt shyqqan poıyzdan júzdegen jolaýshy qaýipsiz jerge shyǵaryldy, dep habarlaıdy TASS Daily Mail-ǵa siltememen.
Qysqa ǵana habarlamada Londonnyń Clapham Junction stantsııasynan el astanasynan ońtústik-batysqa qaraı ornalasqan Ýokıng qalasyna bara jatqanda South Western Railway kompanııasyna tıesili poıyzdan órt shyqqany aıtylǵan. Basylym keltirgen málimetterge sensek, poıyzdyń ishinen úsh márte qatty dybys shyqqan. Sodan soń, Londonnyń Nıý-Malden aýdanyndaǵy bir stantsııaǵa jete bere órt shyqqan.
Aldyn ala boljam boıynsha órtke elektrqurylǵylardan shyqqan aqaý sebep bolýy múmkin.
Oqıǵadan japa shekkender joq.
