Londonda Maksım Bákıevtiń isi boıynsha sot tyńdaýy bastaldy
ASTANA. 7 jeltoqsan. QazAqparat - Qyrǵyzstan eks-prezıdentiniń uly Maksım Bákıevti Ulybrıtanııadan AQSh-qa ekstradıtsııalaý týraly is boıynsha sottyń birinshi tyńdaýy búgin londondyq Vestmınster aýdanynyń magıstrattyq sotynda ótedi, dep habarlady Reseı jańalyqtar agenttigi.
Qyrǵyzstan eks-prezıdentiniń uly qazan aıynda AQSh-tyń tapsyrysy boıynsha Londonda tutqyndaldy. Onda ol 2010 jyly bolǵan memlekettik tóńkeristen keıin boı tasalap júrgen bolatyn. AQSh Ádilet departamenti ony qundy qaǵazdarmen alaıaqtyq jasaý maqsatynda sóz baılasty jáne ádildiktiń ornaýyna kedergi jasady dep aıyptaýda.
Qamaýǵa alynǵannan keıin Bákıev 250 myń fýnt sterlıngke kepilge bosatyldy jáne oǵan qatań talaptar qoıyldy - polıtsııaǵa únemi esep berip otyrýy tıis, el aýmaǵynan shyqpaýy jáne naqty bir mekenjaı boıynsha turýy qajet.
