Londonda koronavırýstyń omıkron shtamynyń taraý qarqyny údeı tústi

NUR-SULTAN. QazAqparat - Ońtústik Koreıada koronavırýsty juqtyrǵandardy baqylaý úshin adamnyń bet-beınesin taný júıesin qoldanysqa engizý josparlanýda, dep habarlaıdy QazAqparat Covid-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Tehnologııa qańtar aıynda Pýchhonda iske asyryla bastaıdy. Jasandy ıntellekt vırýs juqtyrǵan adamnyń jáne onymen baılanysta bolǵan adamdardyń qozǵalysyn baqylaý úshin 10 myń beınebaqylaý kamerasyndaǵy jazbalardy taldaıdy.

Indonezııada 14 jeltoqsannan bastap 6-11 jastaǵy balalarǵa koronavırýsqa qarsy vaktsına salý bastalady. Jalpy alǵanda, atalǵan jastaǵy 26 mıllıonǵa jýyq bala koronavırýs ınfektsııasyna qarsy vaktsınany aýrýhanalarda, aýdan ortalyqtarynda nemese mektepterdegi ımmýndaý ortalyqtarynda alady dep kútilýde.

«Koronavırýstyń «omıkron» shtamy Londonda joǵary qarqynmen taralýda, - dep habarlady Londonnyń Bas sanıtarııalyq dárigeri Kevın Fenton.

Ulybrıtanııa Densaýlyq saqtaý mınıstrliginiń málimetinshe, aıdyń sońyna deıin «omıkron» shtamy el aýmaǵynda basym bolady.