Londonda Koroldik gvardııa jylqysy týrısti tistep aldy

Londonda Ýaıtholl janynda Koroldik gvardııanyń jylqysymen fotoǵa túspekshi bolǵan týrısti janýar tistep aldy, dep habarlaıdy Kazinform tilshisi.

Oqıǵa vıdeoǵa kezdeısoq túsip qalǵan. At saıahatshyǵa tarpa bas salǵanda áıeldiń jan daýsy shyǵyp, aıqaılaı jónelgenin kórýge bolady. Janynda turǵandar onyń jaraqatyn tekserip, alǵashqy kómek kórsetýge tyrysqan.

Ǵımarattyń qabyrǵasyndaǵy: «Abaılańyz! Jylqylar teýip jiberýi nemese tistep alýy múmkin» degen jazbaǵa qaramastan týrıster janýarǵa jaqyn turyp, estelik fotoǵa túsýge áýes.

«Qoǵamdyq qaýipsizdikti qamtamasyz etý úshin qansha tyrysqanymyzben, jylqylar tistep nemese teýip jiberýi múmkin. Halyqty eskertýlerimizge qulaq asýǵa shaqyramyz», - dep Koroldik gvardııa ókilderi qaýipsizdik saqtaýǵa shyqyryp, málimdeme jasady.

Ýaıtholl — 1530-1689 jyldar aralyǵynda aǵylshyn monarhtarynyń negizgi rezıdentsııasy bolǵan ǵımarat. Onyń janynda jazataıym oqıǵalar jıi bolyp turady. TikTok áleýmettik jelisinde osyǵan uqsas birneshe vıdeony kórýge bolady.

«Bul jylqylar — arnaıy daıyndyqtan ótken janýarlar. Biraq uzaq ýaqyt boıy bir jerde turýǵa májbúr bolǵandyqtan kútpegen minez-qulyq tanytýy múmkin», - dep atap ótti jylqylardyń minez-qulqyna mamandanǵan sarapshy Sıýzanna Rodjers. 

Vıdeo: YouTube — Buska In The Park