Londonda Qazaqstan tarıhy týraly kitaptyń tusaýkeseri ótti

ASTANA. QazAqparat - Ulybrıtanııanyń astanasy London qalasynda Robert Ýaıttyń «Joǵalǵan handar jáne jazyq dala. Qazaqstannyń ejelden bastap qazirgi kezeńge deıingi tarıhy» atty kitabynyń tanystyrylymy ótti.

Bul týraly QR Syrtqy ister mınıstrliginiń baspasóz qyzmetinen habarlady.

Shyǵarma avtory Almatyda bank salasynda úsh jyldan astam jumys atqarǵan kezinde Qazaqstannyń mádenıetin jáne tarıhyn zertteýge kóp kóńil bólgen. Londonǵa qaıtyp kelgen soń R.Ýaıttyń basty maqsaty - brıtandyq aýdıtorııany, onyń pikirinshe, Ortalyq Azııanyń eń mańyzdy eliniń áserli tarıhymen tanystyrý boldy.

"Armııalar jáne ımperııalar, taıpalar jáne handyqtar óz kezekterimen paıda bolyp, joǵalyp jatty. Bultartpas tarıhı úderister Qazaqstandy handar men kóshpeli rýlyq qaýymdar elinen syrtqy dúnıege ashyq zamanaýı memleketke deıin aıtarlyqtaı ózgeristerge ushyratty», dep tujyrymdaıdy ol.

Tanystyrý rásimi brıtandyq sarapshylar arasynda úlken qyzyǵýshylyq týdyrdy. "Qazaqstannyń memlekettiligin qurý tarıhy tek mamandardyń ǵana emes, sonymen qatar qarapaıym brıtandyq oqyrmandardyń da nazaryn aýdarady", deıdi olar.