Londonda Qazaqstan azamatyna adam óltirdi degen aıyp taǵyldy

ULYBRITANIıA. KAZINFORM – Ulybrıtanııa polıtsııasy Qazaqstan azamaty Baımolda Beıbitti kisi óltirdi degen kúdikpen ustady. 

London polıtsııasynyń málimetinshe, 30.12.1986 jyly týǵan Baımolda Beıbitke 7 mamyrda kisi óltirdi degen aıyp taǵylǵan. Ol 8 mamyrda Temza Magıstratýra sotyna keldi.

6 mamyr kúni keshki saǵat 21:00 shamasynda Londondaǵy aýdandardyń birinde 42 jastaǵy er adamnyń denesi tabylǵan. Oqıǵa ornyna polıtsııa qyzmetkerleri jetken. Ajal qushqan adamnyń denesinde pyshaq jaraqattary bary anyqtalǵan. 

«Oqıǵa ornynda kisi óltirdi degen kúdikpen Beıbit pen 33 jastaǵy áıel ustaldy. Beıbitke joǵaryda kórsetilgen aıyp taǵyldy. 33 jastaǵy áıel tergeý sharalary aıaqtalǵanǵa deıin bosatyldy», - dedi London polıtsııasy. 

Kazinform tilshisiniń habarlaýynsha, Baımolda Beıbit Qazaqstannan Ulybrıtanııaǵa 2023 jyldyń mamyr aıynda 6 aıǵa maýsymdyq jumys vızasymen kelgen.