Londonda Kásibı tennısshiler qaýymdastyǵynyń qorytyndy jarysy bastalady
ASTANA. QazAqparat - Jeksenbi kúni London qalasynda Kásibı tennısshiler qaýymdastyǵynyń qorytyndy jarysy bastalady. Soqyr ishegine ota jasalǵan Rafael Nadal bul básekege qatysa almaıdy.
Sondyqtan jarysta sportshylarynyń arasynda jeńiske jetýdegi basty úmitkerler - serbııalyq Novak Djokovıch pen shveıtsarııalyq Rodjer Federer bolyp otyr.
Qorytyndy týrnırdiń aıasynda sondaı-aq maýsymnyń eń myqty juby anyqtalady.
Aıta ketken jón, 2009 jyldan beri KTQ-nyń qorytyndy jarysy Londonnyń "O2 Arenasynda" ótkizilýde, aǵymdaǵy jylǵy júlde qory 6,5 mln dollardy quraıdy. 2013 jylǵy jarystyń aqtyq kezeńinde Djokovıch Nadaldi 6:3, 6:4 esebimen utsa, juptyq razrıadta ıspanııalyq Davıd Marrero men Fernando Verdasko úzdikter atalǵan edi.
