Londonda qaraly mıtıng ótti
ASTANA. QazAqparat - Londonnyń ortalyǵyndaǵy Trafalgars alańynda beısenbi kúni keshkilik birneshe myń adam terakti qurbandaryn eske alýǵa jınaldy.
Mıtıng bir mınýt únsizdikpen bastaldy. Odan keıin qatysýshylar maısham jaǵyp, ulttyq kartına galereıasy baspaldaqtaryna qoıdy.
Sóz alǵandardyń basym bóligi «yntymaqtastyqty» jıi aýyzǵa alǵan.
London meri Sadık Han lańkestiń qolynan mert bolǵan jandardyń aty-jónderin atady. Olar - polıtsııa qyzmetkeri Kıt Palmer, brıtandyq áıel Aısha Freıd jáne amerıkalyq Kýrt Kohran.
Eske sala ketsek, 22 naýryz kúni tapa-tal túste, jergilikti ýaqytpen 14:40-ta avtomobıl rýlinde bolǵan er adam ádeıi Vestmınster kópirindegi trotýarǵa shyǵyp ketip júrginshilerdi taptap ótken. Odan keıin brıtan parlamenti ǵımaratyna qaraı buryp, Vestmınster saraıynyń qorshaýyna soǵylǵan. Artynsha mashınadan atyp shyǵyp, qarýsyz polıtseıge pyshaq ala umtylǵan. Qarýly polıtsııa jasaǵy qaskóıdi atyp óltirdi.
Londondaǵy parlament ǵımaratyna shabýyldan úsh adam qaza taýyp, kem degende 40 beıkúná jan jaralanǵan, olardyń jeteýi aýyr jaǵdaıda.
