Londonda Italııa men Ulybrıtanııa premer-mınıstrleriniń kelissózderi ótti

BRıÝSSELЬ. QazAqparat – Italııa premer-mınıstri Djordja Melonı Ulybrıtanııa premer-mınıstri Rıshı Sýnakpen Daýnıng-strıttegi ekijaqty kelissózder kezinde Italııa men Ulybrıtanııa qarym-qatynasynyń jańa kezeńi bastalǵanyn málimdedi, dep habarlaıdy QazAqparattyń menshikti tilshisi.

«Bul - eki el arasyndaǵy jańa bastaý. Men oǵan qatysyp otyrǵanyma qýanyshtymyn. Biz birlesip jaqsy jumys isteıtinimizge senimdimin», - dedi Djordja Melonı Londonda Rıshı Sýnakpen ekijaqty kezdesý aldynda.

Rıshı Sýnak onymen ıtalıan tilinde amandasyp, keıin kamera men fotograftardyń aldynda oǵan aǵylshyn tilinde alǵys aıtty.

Kelissózderden keıin úkimet basshylary qorǵanys pen mıgranttar týraly memorandýmǵa qol qoıdy. Ózara túsinistik týraly memorandým Italııa men Ulybrıtanııa arasyndaǵy dıalog pen strategııalyq yntymaqtastyqty jandandyrýǵa baǵyttalǵan.

Italııalyq Ansa agenttiginiń habarlaýynsha, memorandým qaýipsizdik pen qorǵanys, energetıka, klımat pen qorshaǵan orta, mıgratsııa, ekonomıka, ǵylym men ınnovatsııa syndy basym baǵyttar boıynsha ortaq bastamalardy kórsetip, Londonmen halyqaralyq dárejede aýqymdy kelisimdi nyǵaıtýǵa kómektesedi.