Londonda fermerler traktorlarymen ereýilge shyqty

ASTANA. KAZINFORM — Londonda fermerler aýyl sharýashylyǵy jerlerine mura salyǵyn kóterýge qarsylyq bildirip, memlekettik bıýdjet jarııalanýyna deıin narazylyq aktsııasyn ótkizdi, dep habarlaıdy AZERTADJ.

Agenttik The Standard basylymyna silteme jasap habarlaǵandaı, narazy top polıtsııanyń traktorlardy qoldanýǵa tyıym salýyna qaramastan, traktorlarymen barǵan. Aktsııa astananyń ortalyǵynda iri keptelisterge sebep boldy.

Kóptegen narazylar traktorlaryna «Brıtandyq aýyl sharýashylyǵyn qorǵańyz», «Ólimge ákeletin salyqqa jol joq», «Fermerler joq bolsa, tamaq ta joq», «Ulybrıtanııanyń azyq-túlik qaýipsizdigin qamtamasyz etińiz» degen urandary bar bannerler ilip shyqqan.

Aktsııa brıtandyq qarjy mınıstri Reıchel Rıvs aptanyń sársenbi kúni parlamentke bıýdjet týraly baıandamasyn jasaıtyn ýaqytqa saı ótkizildi.

Fermerler narazylyqtaryn úzilissiz sıgnal berý arqyly kórsetýge tyrysty. Aktsııa tańerteń ótkendikten, London ortalyǵyndaǵy kólik qozǵalysy is júzinde toqtap qaldy.

Budan buryn London ortalyǵynda polıtsııa Palestine Action uıymyn qoldaǵan keminde 90 adamdy ustaǵany belgili boldy. Bul uıymdy Ulybrıtanııa bıligi shilde aıynda resmı túrde tyıym salynǵan dep tanyǵan edi.