Londonda eń úzdik tanymal ánshiler marapattaldy
ASTANA. QazAqparat - Londonda Brit Awards atty tanymal mýzyka salasyndaǵy basty brıtandyq syılyqpen marapattaý rásimi ótti.
Bul jylǵy halyqtyń súıikti ánshileri Arctic Monkeys toby boldy, ol «Eń úzdik brıtandyq top» jáne «Jyl albomy» atalymdary boıynsha marapattaldy. Ánshi Devıd Boýı «Eń úzdik brıtandyq oryndaýshy» syılyǵyn ıelendi. On jyldyq úzilisten soń ótken jyly sahnaǵa qaıta oralǵan bul ánshi Where Are We Now? sınglymen jáne The Next Day albomymen óner bıiginen kórindi.
Ókinishke qaraı, 67 jasynda laýreat atanyp otyrǵan Boýıdiń ózi saltanatty sharaǵa qatyspady. Onyń marapatyn belgili model Keıt Moss aldy. Ol ánshiniń «Men bul marapatty alǵanym úshin qýanyshtymyn», -degen sózderin kópshilikke jetkizdi.
Sondaı-aq «Eń úzdik brıtandyq ánshi» nomınatsııasy boıynsha Ellı Goldıng, «Eń úzdik sheteldik ánshi» retinde Lorde jáne «Eń úzdik oryndaýshy» atalymynda Brýno Mars marapattaldy, dep jazady Segodnıa.ua.
