Londonda eń qymbat kólik turaǵy satyldy
ASTANA. QazAqparat - Londonnyń Albert-holl mańyndaǵy Kensıngton aýdanynda eki kólikke arnalǵan turaq oryny 400 myń fýntqa satyldy. Bul Brıtanııadaǵy jyljymaıtyn múliktiń atalǵan túri úshin tólengen rekordtyq baǵa, dep jazady The Telegraph.
Basylym jazǵandaı, atalǵan kelisimniń somasy eldegi jalaqy kóleminen 15 ese, al úıdiń baǵasynan 2,5 ese kóp. Bul tek el astanasyndaǵy jer úıdiń baǵasynan (403,8 myń fýnt) sál ǵana arzan bolyp tur.
Eń qyzyǵy, qymbat turaqtan bir shaqyrymǵa jetpeıtin jerde jekemenshik turaq ornalasqan. Onda kólikti bir kúnge qoıý aqysy 35 fýnt turady. Osylaısha 400 myń fýntqa kólikti 31 jyl boıy jekemenshik turaqqa qoıýǵa bolatyn edi, dep jazady basylym.
