Londonda Ekinshi dúnıejúzilik soǵystan qalǵan bomba tabyldy
ASTANA. QazAqparat - Brıtanııa astanasynda ótken dúısenbi kúni Ekinshi dúnıejúzilik soǵys kezinde jarylmaı qalǵan bomba tabyldy.
Salmaǵy 250 keli tartatyn jarylǵysh zatty Londonnyń soltústik shyǵys bóliginde jumys jsap jatqan merdiger qurylys uıymynyń mamandary tapty, dep habarlady TASS. Polıtsııa jaqyn jerdegi aýdandardan 150 adamdy qaýipsiz jerge shyǵardy, olar Bethnal Green Academy orta mektebiniń akt zalynda túnep shyqty.
"Bizdi Betnal Grın aýdanyndaǵy qurylys alańynda Ekinshi dúnıejúzilik soǵysy kúnderiniń jarylmaǵan bombasy tabylǵany jóninde eskertti. Bul jer qorshaýǵa alyndy, jaıaý júrginshiler men kólik júrgizýshilerine oqıǵa ornyna barýǵa tyıym salyndy", - dedi ákimshilik okrýgi basqarmasynyń resmı ókili Taýer Hemlets.
Onyń sózine qaraǵanda, bomba týraly aqparat alynǵan soń Templ-strıtke saperler brıgadasy men órt saqshylary jóneltildi. Tártip saqshylary qalanyń alty kóshesindegi qozǵalysty toqtatty. Bul londondyq iskerlik Sıtı aýdanynan soltústik shyǵysqa qaraı ornalasqan jerde abyr-sabyr men kólik keptelisiniń týyndaýyna soqtyrdy.
