Londonda dúnıege kelgen sábılerdiń úshten ekisi ımmıgranttardyń balalary bolyp shyqty
ASTANA. 23 aqpan. QazAqparat - Londonda dúnıege kelgen sábılerdiń úshten ekisiniń ata-analarynyń eń bolmaǵanda bireýi ımmıgranttar bolyp otyr, dep habarlady Lenta.rý.
The Daily Telegraph bul týraly 2010 jylǵy málimetterdi keltirgen.
Statıstıka basqarmasynyń málimetterine sáıkes 2010 jyly Londonda 86111 sábıdiń dúnıege kelgeni tirkelgen. Olardyń 64,7 paıyzynyń bir nemese eki ata-anasy da Ulybrıtanııa týmasy emes. Astananyń Vestmınster jáne Brent aýdandarynda ımmıgranttar balalarynyń úlesi 80 paıyzdan asyp ketken. Al el astanasynyń shyǵysyndaǵy Nıýhem aýdanynda olardyń úlesi tipti 84,1 paıyzǵa jetip, rekordtyq kórsetkishti qurap otyr.
Heıverıng (24,4 paıyz) jáne Bromlı (33,3 paıyz) aýdandarynda ımmıgranttar otbasynda týylǵan balalar sany tómen bolǵandyǵy tirkeldi. Búkil Anglııa men Ýelste kelimsekterdiń balalary búkil sábılerdiń tórtten birin qurap otyr.
Jarııalanǵan málimetter konservatıvtik brıtandyqtardyń ashýyn týǵyzdy. MigrationWatch UK uıymynyń jetekshisi jáne burynǵy dıplomat Endrıý Grın kelimsekterdiń shamadan tys kóbeıýinen «London adam tanymastaı ózgerdi» dep málim etti. Belsendiler ımmıgranttardyń munsha kóbeıýi olardyń brıtandyq qoǵamǵa kirigýine kedergi jasaıdy dep atap kórsetýde.
