Londonda densaýlyq saqtaý reformasyna qarsy iri narazylyq aktsııalary ótýde
ASTANA. QazAqparat - Londonda ulttyq densaýlyq saqtaý júıesine arnalǵan shyǵyndardyń aıtarlyqtaı qysqartylýyna baılanysty aýqymdy narazylyq aktsııasy ótti.
Aldyn ala boljam boıynsha, ereýilge eldiń bar aýmaǵynan 250 myńnan astam medıtsına mamandary qatysqan, dep jazdy The Independent gazeti.
Aktsııaǵa qatysýshylar 2020 jylǵa deıingi densaýlyq saqtaý salasy bıýdjetiniń 20 mıllıard fýntqa azaıýyna qarsy. Mundaı únemdeýdiń sońy naýqastardyń densaýlyǵynyń kúrt nasharlaýyna jáne medıtsınalyq qyzmettiń quldyraýyna ákelip soǵady, dep málimdedi uıymdastyrýshylar. Stýdentter, dárigerler jáne kásipodaq múshelerinen quralǵan ereýilshiler legi Tavıstok-skverden Vestmınıstrdegi úkimet ǵımaratyna deıin júrip ótti.
Sarapshylardyń baǵalaýynsha, qysqartýǵa sonyń ishinde, áleýmettik qamsyzdandyrý, naýqastarǵa, múgedekter men qarttarǵa kómek kórsetý jáne aýrýhanalardy kútip-ustaý shyǵyndary jatady. 2016 jyly áleýmettik qamsyzdandyrý bıýdjetteri aqshalaı mánde 12% azaıtyldy, bul rette, medıtsına mamandarynyń qyzmetine degen suranys 14% ósken. Bul kóbine Ulybrıtanııa halqynyń qartaıýynan bolýda.
