Londonda «brıtandyq oskarlar» taratyldy
ASTANA. 12 aqpan. QazAqparat - Londonda Brıtan kıno jáne teleóner akademııasynyń syılyqtaryn tapsyrý rásimi ótti.
Kúmánsiz trıýmfatorlardyń biri - barlyq amerıkandyq syılyqtardy enshilep, Tumandy Albıonǵa deıin jetip úlgergen Ben Afflek pen onyń ««Argo» operatsııasy» kartınasy boldy. Afflek jyldyń rejısseri, al «Argo» - úzdik fılm atandy. Eń úzdik brıtandyq lenta retinde asa tanymal tyńshy - Djeıms Bondtyń oqıǵalary týraly baıandaıtyn «Koordınaty: Skaıfolldyń» sońǵy serııasy tanyldy.
Eń úzdik akterlik jumystary úshin syılyqtardy «Lınkoln» kartınasyndaǵy amerıkandyq prezıdenttiń rólin somdaǵan Denıel Deı Lıýıs jáne «Mahabbat» fılmindegi jumysy úshin Emmanýel Rıva aldy. Ekinshi plandaǵy rólderi úshin «Django bosatylǵanda» oınaǵan Krıstofer Valts pen «Shettetilgender» fılmindegi shaǵyn róli úshin Enn Heteýeı syılyqtarǵa ıe boldy. Tarantınonyń ózine de syılyq berildi. Tanymal amerıkandyq rejısser ári akter «Django» stsenarııi úshin syılyq aldy. BAFTA syılyǵy kıno jáne teleóner álemindegi ei bedeldi syılyq bolyp eseptelip, «brıtandyq Oskar» dep atalady.
