Londonda bolyp ótken olımpıadalyq jarysta qazaqstandyqtar 2 altyn jáne 1 kúmis medaldardy ıelendi
ASTANA. 28 qarasha. QazAqparat - 27 qarasha kúni Londonda London Boxing International Invitational atty boks boıynsha ótken testik olımpıadalyq jarysta qazaqstandyq Vasılıı Levıt pen Birjan Jaqypov altyn medaldardy ıelense, Darıǵa Shákimova - kúmis medaldy jeńip aldy, dep habarlaıdy Qazaqstan boks federatsııasynyń baspasóz qyzmeti.
26 qarasha kúni jartylaı fınalda Vasılıı Levıt ırland boksshysyn jeńdi. Fınalda V.Levıt amerıkandyq Djozef Ýılıamspen kezdesýi kerek boldy. Alaıda qarsylasy kelmegendikten, jeńis qazaqstandyq boksshyǵa berildi. Aıta keteıik, Vasılıı Levıt D.Ýılıamsty Baký qalasynda ótken álem chempıonatynda 14:6 esebimen jeńgen bolatyn.
Birjan Jaqypov barlyq aıqastaryn senimdi ótkizgen. Birinshisinde Úndi eliniń ókili Sıngh Amendıpti jeńse, jartylaı fınalda Taıland eliniń sportshysyn, al fınalda Ózbekstan ókilin jeńip shyqqan.
Darıǵa Shákimova Indııa men Brazılııanyń sportshy qyzdaryn jeńip, aǵylshyn qyzynan jeńilis tapty.
Samat Báshenov sátsizdikke ushyrady. Birinshi aıqasta ol aǵylshyn boksshysynan jeńilip jarystan shyǵyp ketti.
Londondaǵy ExCeL olımpıadalyq ortalyǵynda bolyp ótken testik jarysqa 20 elden 86 sportshy qatysty. Erler arasynda 64 sportshy 10 salmaq dárejesinde, al áıelder arasynda 22 sportshy qyz 3 olımpıadalyq salmaqta jarysty.
Qazaqstandy jarysta - Jaqypov Birjan (49 kg), Bashenov Samat (60 kg), Levıt Vasılıı (91 kg), Shákimova Darıǵa (75 kg) tanystyrdy.
