Londonda bolǵan oqıǵadan eki adam mert boldy - BAQ
ASTANA. QazAqparat - Londondaǵy avtokóliktiń adamdardy qasaqana soǵyp ketýinen eki adam mert bolýy múmkin, dep habarlaıdy Lenta.rý.
The Sun gazetiniń málimetine qaraǵanda, joldan shyqqan avtokólik Fınsberı saıabaǵy meshitinen shyqqan adamdardy qasaqana soqqan.
Oqıǵa kýágerlerine silteme jasap málimet taratqan Evening Standard basylymy avtokólik adamdardy qaqqannan keıin ishinen pyshaqpen qarýlanǵan jas jigit shyǵyp, jaıaý júrginshilerge shabýyl jasaǵan. Sondaı-aq basylymnyń málimetinshe, polıtsııa qyzmetkerleri «qara shashty, aq adamdy» ustaǵan. Alaıda, bul adamnyń qolynda sýyq qarý bolǵan, bolmaǵandyǵyn basylym anyq aıta almaıdy.
«Men jerde jatqan tórt nemese bes adamdy kórdim. Olardyń bireýinde pyshaq jaraqaty boldy. Kópshilik adamdar jigitti ustap aldy. Ol London kópirinde bolǵan oqıǵany qaıtalamaqshy boldy», - dedi gazetke suhbat bergen oqıǵa kýágeri.
Sky News telearnasy meshit aldyndaǵy adamdardy baryp soqqan kóliktiń fýrgonynda bolǵan eki jigit oqıǵa ornynan izin sýytyp úlgergenin habarlaıdy. «Júk kóliginde úsh adam boldy. Bireýin polıtsııa qyzmetkerleri ustady, qalǵan ekeýi izin sýytty», - dedi oqıǵa kýágeri.
