Londonda bir aı boıy ıslam taqyrybyna arnalǵan aǵartýshylyq is-sharalar ótedi
ASTANA. 10 qarasha. QazAqparat - Londonda musylmandarǵa degen teris kózqarastyń túp-tórkinin qozǵaıtyn, onyń saldaryn salmaqtaıtyn is-sharalar ótpek.
Bir aıǵa jalǵasatyn is-sharanyń ashylý saltanatyna dinı jáne qoǵamdyq uıymdardyń ókilderi qatysty. Bul týraly muslim.kz saıtynda habarlandy.
Astanadaǵy Áziret Sultan meshitiniń resmı saıtynyń jazýynsha, ashylý saltanaty barysynda brıtandyq quqyq qorǵaýshy Imran Han ıslamdy qoǵam qalaı qabyldaıtyny jóninde sóz qozǵap, onyń musylmandarǵa tıgizer áserin taldap berdi. «Buqaralyq aqparat quraldarynda ıslam taqyrybyndaǵy tanymdyq dúnıelerdiń jaryq kórýi jaıly da umyt qaldyrmady. Sharanyń uıymdastyrýshylary ıslamǵa degen jekkórinishtiń túp-tórkinin kópshiliktiń qate túsinikke boı aldyratynynan izdeý kerektigine toqtaldy. «Islam» nemese «musylman» degen uǵymdardy «ekstremıstpen» nemese «terrorıstpen» shatastyrady. Atalmysh joba aıasynda oqý oryndary men memlekettik mekemelerde ıslam taqyrybynda aǵartýshylyq is-sharalar ótetin bolady», dep jazady muslim.kz.
Toqtala ketetin jaıt, jaqynda júrgizilgen saýalnama nátıjesi kórsetkendeı, brıtan qoǵamynyń ıslamǵa kózqarasy aıtarlyqtaı durystala bastaǵan. El turǵyndarynyń 25 paıyzy jaǵymdy kózqarasta bolsa, 60 paıyzy ıslam dini brıtandyq qundylyqtarmen úndespeıdi, úılespeıdi dep esepteıdi.
