Londonda «Astana» halyqaralyq qarjy ortalyǵynyń tusaýkeseri ótti
Qatysýshylar aldyńda Qazaqstannyń Ulybrıtanııadaǵy Tótenshe jáne Ókiletti Elshisi Erlan Ydyrysov pen AHQO Basqarýshysy Qaırat Kelimbetov sóz sóıledi.
«Qazaqstan - bıznes pen tikeleı sheteldik ınvestıtsııalar úshin ashyq el. Buǵan dálel - «Astana» halyqaralyq qarjy ortalyǵynyń, úzdik álemdik tájirıbege negizdelgen normatıvtik-quqyqtyq bazasynyń qurylýy. AHQO qyzmeti Qazaqstan men Ulybrıtanııa arasyndaǵy ekijaqty qarym-qatynasty damytýǵa yqpal etedi jáne uzaq jáne ózara tıimdi yntymaqtastyq úshin tamasha platforma bolady dep senemin», - dedi E. Ydyrysov.
Q. Kelimbetov atap ótkendeı, Ortalyq qor naryǵyndaǵy qarjy qyzmetteri men operatsııalardy retteýdiń halyqaralyq standarttaryn engizdi. AHQO rezıdentteriniń sany 100-ge jetti. Astana International Exchange (AIX) bırjasynda saýda-sattyq iske qosyldy.
«Bizdiń áriptesterimizge, seriktesterimizge jáne Ulybrıtanııadan kelgen áleýetti klıentterimizge AHQO múmkindikterin tanystyrý - men úshin úlken qurmet. Biz ınvestorǵa qajet bolýy múmkin barlyq quraldardy usynatyn tolyqqandy kópfýnktsıonaldy ekojúıeni qurdyq. AHQO-nyń aǵylshyn jalpy quqyǵyna negizdelgen zańnamasy tek Qazaqstanǵa ǵana emes, sonymen qatar EAEO jáne Ortalyq Azııa aımaǵynyń basqa da elderine qaýipsiz ınvestıtsııalaý úshin barlyq jaǵdaı jasaıdy», - dedi Q. Kelimbetov.
Іs-sharaǵa sondaı-aq AIX bırjasynyń Basqarma Tóraǵasy Tımotı Bennett, AHQO qarjylyq qyzmetter retteý jónindegi Komıteti (AFSA) Dırektorlar keńesiniń Tóraıymy ledı Barbara Djadj, AHQO sotynyń Tóraǵasy lord Garrı Kennet Výlf, AHQO halyqaralyq tórelik ortalyǵynyń Tóraıymy Barbara Domann qatysty.
Sonymen qatar, AHQO Quqyqtyq Konsýltatıvtik Keńesiniń otyrysy ótti. Odan bólek, Chatham House - halyqaralyq qatynastar salasyndaǵy jetekshi brıtandyq taldaý ortalyǵynda AHQO-nyń tusaýkeseri ótti. Іs-sharaǵa geoekonomıka, memlekettik damý jáne qarjy naryqtary salasyndaǵy sarapshylar qatysty. AHQO ókilderi qatysýshylardyń barlyq suraqtaryna tolyq jaýap berdi.
