Londonda apatqa ushyraǵan tramvaıda qaıtys bolǵandardyń sany artty
ASTANA. QazAqparat - Londonnyń ońtústigindegi Kroıdon qalasynda tramvaı relsten shyǵyp ketip apatqa ushyrady. Adamdar tramvaıdyń ishinde keptelip qalǵan, 50-den astam adam aýrýhanaǵa jetkizilip, 7 adam mert boldy. dep jazady korrespondent.net.
Tramvaıdyń 42 jasar júrgizýshisi baıqaýsyzda adam óltirdi degen aıyppen qamaýǵa alyndy. Qaıǵyly jaǵdaıdyń sebepteriniń biri - júrgizýshi tramvaıdy basqaryp kele jatyp qalǵyp ketýi múmkin.
Oqıǵaǵa baılanysty taratylǵan málimetterde tramvaıdyń qatty jyldamdyqpen kele jatyp, burylysta aýdarylyp qalǵandyǵy aıtylady.
Brıtanııa Premer-Mınıstri Tereza Meı men London meri Sadık Han oqıǵa saldarynan mert bolǵandar men zardap shekkenderdiń otbasylarynyń qaıǵylaryna ortaqtasyp, kóńil aıtty.
Tremlınk (kroıdondyq tramvaı) 2000 jyly ashylǵan tramvaı júıesi. Tremlınk qurylysyn salýdyń basty sebepteriniń biri - Kroıdonda metronyń joqtyǵy bolǵan.
