Londonda Anglııadaǵy bas shirkeýden 4 ese úlken meshit boı kóterdi
ASTANA. 13 qazan. Londonda bir mezgilde 10 myń adam qulshylyq ete alatyn, munarasynyń ózi 40 fýtqa jeteǵabyl alyp meshit salynbaq.
Meshittiń óz kitaphanasy men sport nysandary, sondaı-aq, din qyzmetkerlerine arnalǵan 8 páteri bolady. Bul týraly muslim.kz saıty jazyp otyr.
Sáýletshiler meshitti «Osy zamanǵy ıslamnyń kıeli keńistigi» dep baǵalap otyr.
Mega-meshittiń qurylysyn qolǵa alǵan kompanııanyń dırektory Alan Kreıg Daily Star agenttigine bergen suhbatynda: «Nıý Hem okrýginiń ákimshiligi meshittiń qurylysyn turǵyn úılermen, dúkendermen jáne bıznes ofısterimen biriktirip júrgizýdi qalaıdy. Al meshittiń qamqorlyq keńesi Battersı elektr stantsııasynyń kólemindeı bolsa eken deıdi. Qalaı desek te, bul Ulybrıtanııadaǵy jan-jaqty jobalanǵan tuńǵysh sharıǵat aımaǵy bolmaq», - deıdi.
Evening Standard gazetiniń málimetinshe, 1999 jyly usynylǵan qurylys jobasy osy ýaqytqa deıin ótkir synnyń astynda qalyp keldi.
2001 jyly bul aýmaqta belgili bir ýaqytqa deıin qulshylyq etý jóninde sheshim qabyldanǵan bolatyn. 2006 jyly qulshylyq etý merzimi aıaqtalsa da, adamdardyń kelýi bári bir úzilgen emes.
2010 jyly okrýgtik konsýldyq qulshylyq etý toqtatylsyn degen sheshimdi qaıtadan jarııalady. Biraq, musylmandar tarapynan shaǵymdar jasalyp, sheshimniń kúshi joıyldy. Qazirgi ýaqytta bul orynda juma saıyn 5 myńnan asa adam ǵıbadat etedi.
Meshittiń ornyna saýda oryndary men 300 páter salý josparlanǵan edi. Alaıda Londondaǵy musylman jamaǵaty meshit úshin jınaǵan jylýlarynyń, qaıdaǵy bir kommertsııalyq kásiporynǵa jumsalýyna qarsylyq tanytqan edi. Osydan deıin bastapqy jospar keıinge qaldyrylyp, onyń ornyna meshit salynatyn boldy.
