Londonda alǵash ret skıf-saq mádenıetiniń kórmesi ótedi - Ulybrıtanııa elshisi
ÓSKEMEN. QazAqparat - Ulybrıtanııanyń Qazaqstandaǵy Tótenshe jáne ókiletti elshisi Kerolın Braýn Óskemende ótken «Altaı - túrki áleminiń altyn besigi» atty halyqaralyq konferentsııada Altaıdy álemge áıgilegen úsh belgini atap kórsetti, dep habar beredi «QazAqparat» HAA tilshisi.
«Eń birinshi - onyń ǵajap sulýlyǵy. Ekinshisi - túrkilerdiń osy aımaqtan taraǵandyǵy, al bul ólkeni álemge tanytqan úshinshi sebep - Altaı ólkesindegi baı ári alýan túrli arheologııalyq eskertkishter», dedi Kerolın Braýn. Elshi halyqaralyq konferentsııany uıymdastyrýshylarǵa alǵys bildirip, «Men konferentsııa qatysýshylaryna kelesi aptada Londondaǵy Brıtanııa murajaıynda Ulybrıtanııadaǵy tuńǵysh skıf jáne saq mádenıeti men óneri kórmesi ashylatynyn jetkizýge óte qýanyshtymyn», - dedi.
Elshiniń aıtýynsha, kórme úsh aı boıy ashyq bolady jáne Altaı men Shyǵys Sibirdegi arheologııa tarıhynyń, mádenıettiń halyqaralyq mánin arttyra túspek.
