Londonda álemdegi eń iri batýt ornatylmaq
ASTANA. QazAqparat - London qalasynyń mańyndaǵy eldi mekenderdiń turǵyndary taıaý arada qala ortalyǵyndaǵy jumys oryndaryna álemdegi eń iri batýttyń kómegimen-aq jete alatyn bolady.
Londonda álemdegi eń úlken batýtty salý jobasy ázirlendi. Jobaǵa brıtandyq astananyń meri Borıs Djonson qoldaý kórsetýde, ony qarjylandyrýdyń bir bóligi salyq tóleýshiler esebinen júzege aspaq, dep habarlaıdy iTV.
«Bounceway» qurylymy qaladaǵy eń uzyn batýt bolmaq, ol «London janary» men Temza ózeniniń sol jaq jaǵalaýyna jaqyn ornalastyrylady.
Jańa eksklıýzıvti joba Londonnyń dál ortasynda ornalastyrylyp, sportty, kóterińki kóńil-kúıde júrýdi nasıhattaýǵa baǵyttalǵan. Ári, ol keıbir turǵyndar úshin kóliktiń ornyn almastyra alady. Qalany bul qurylymmen bezendirý shahar meri Borıs Djonsonnyń azamattarǵa arnalǵan jańa ashyq alańdar salý týraly baǵdarlamasynda qamtylǵan jeti ıdeıasynyń biri retinde júzege asyrylmaq. Bul iske 2,3 mln. eýro qarajat jumsalmaq.
