Londonda álem chempıonatynyń 660 myń bıleti satylyp ketken
ASTANA. QazAqparat - Londonda ótetin jeńil atletıkadan álem chempıonatynyń 660 myń bıleti satylyp ketken, dep habarlaıdy QazAqparat tilshisi.
Bul týraly Halyqaralyq jeńil atletıka federatsııalar qaýymdastyǵyna (IAAF) silteme jasap, QR jeńil atletıka federatsııasynyń resmı saıty habarlady.
Álem birinshiligi 4-13 tamyz aralyǵynda ótedi.
Uıymdastyrýshylardyń aıtýynsha, qalǵan 14 sessııanyń bıleti kelesi aptada satylymǵa shyǵady eken.
Bul degenińiz kópsaıystan 2012 jylǵy Olımpıada chempıony Djessıka Ennıs-Hıll, Rıo Olımpıadasynyń kúmis júldegeri Katarına Merı Djonson-Tompson sekildi jergilikti jankúıerlerdiń súıikti atletteri qatysatyn saıystarǵa bılet almaǵandarǵa keremet múmkindik.
«Bul men úshin asa mańyzdy tún bolmaq. Álem chempıonatyn uıymdastyrýshylarǵa alǵysym sheksiz. Óıtkeni jankúıerlerdiń aldynda medal taǵýǵa múmkindik bar. Londondaǵy dál osy stadıonda 2012 jyly Olımpıada chempıony atanǵan bolatynmyn. Biraq eshqashan qaıtadan bul stadıonda taǵy da altyn alatyn sát týady dep oılamaǵan ekenmin», - deıdi Djessıka Ennıs-Hıll.
Aıta keteıik, Qazaqstannan Londondaǵy álem chempıonatyna 13 sportshy qatysady. Olardyń arasynda 2012 jylǵy Olımpıada chempıony Olga Rypakova, 2017 jylǵy Azııa chempıondary Marııa Ovchınnıkova men Vıktorııa Zıabkına bar.
