Londonda adamnyń kóz jasy satylyp jatyr
ASTANA. QazAqparat - Ulybrıtanııa astanasy London qalasyndaǵy saýda ortalyqtarynyń birinde kóz jasynan jasalǵan tuz erkin saýdaǵa salynyp jatyr. Satýshylardyń sózine qaraǵanda, kóz jasynan tuz alý úshin suıyqtyqty býlandyrý ádisimen daıyndaǵan eken. Ónimniń birneshe sorty da bar: kúlkiniń kóz jasy, pııazdyń kóz jasy, túshkirik kóz jasy, tipti ashýdyń da kóz jasy bar.
Al brıtandyq basylymdar satýshylardyń bul áreketin jarnamalyq ádistiń birine balap otyr. Olar satqan kóz jasynyń baǵasy da arzan emes: kishkene bir quty úshin 30 fýnt tóleýińiz (shamamen 7500 teńge) kerek.
Osyǵan deıin Irvındegi Kalıfornııa ýnıversıtetiniń mamandary eki birdeı jańalyq ashqandyǵy jóninde habarlanǵan edi. Olar adamnyń kóz jasynda bakterııalarǵa qarsy qasıeti bar aqýyzdyń biraz mólsheri bar ekendigin anyqtady. Sondaı-aq rakpen kúresý jolynda osy ádisti paıdalanatyn tehnologııany da oılap tapty.
Alaıda bárinen buryn kóz jasynda antıseptık-aqýyzdardyń bar ekendigin alǵash bolyp tapqan Nobel syılyǵynyń ıegeri Aleksandr Flemıng boldy. Ol 1922 jyldyń ózinde lızotsımderdiń bakterııalarǵa qarsy kúre alatyn qasıetiniń bar ekendigin aıtyp ketken eken. Degenmen sol kezde eshkim de lızotsımderdiń qaýipti bakterııalardy qalaı joıa alatynyn tolyq túsindire almaǵan, dep jazady massaget.kz.
