Londonda adam óltirý kúdigine ilingen Qazaqstan azamatynyń soty jaqyn arada ótedi
ASTANA. KAZINFORM – Syrtqy ister mınıstrliginiń resmı ókili Aıbek Smadııarov Londonda adam óltirdi degen kúdikke ilingen Qazaqstan azamatyna elshilik advokat taýyp bergenin aıtty.
«Bıyl 10 mamyrda London qalasynyń polıtsııasy Qazaqstannyń Ultybrıtanııadaǵy elshiligine adam óltirdi degen kúdikpen Qazaqstan azamattarynyń ustalǵanyn habarlady. Olardyń erli-zaıypty ekeni anyqtaldy. Áıeli bosatyldy, kúıeýi qamaýda otyr», - dedi A. Smadııarov mınıstrliktegi aptalyq baspasóz máslıhatynda.
Onyń aıtýynsha, polıtsııa kúdiktini tergep jatyr.
«Jaqyn arada onyń soty bolady. Sottan keıin sheshim qabyldanady. Oǵan advokat taýyp berdik, Qazaqstandaǵy týystarymen baılanystamyz», - dedi resmı ókil.
Eske salsaq, jaqynda Ulybrıtanııa polıtsııasy Qazaqstan azamaty Baımolda Beıbitti kisi óltirdi degen kúdikpen ustady.
Kúdikti Qazaqstannan Ulybrıtanııaǵa 2023 jyldyń mamyr aıynda 6 aıǵa maýsymdyq jumys vızasymen kelgen.
