Londonda 79 adamnyń ómirin jalmaǵan órt tońazytqyshtyń aqaýy saldarynan shyqqan
ASTANA. QazAqparat - 79 adamnyń ómirin jalmaǵan Londondaǵy Grenfell Tower kóp qabatty úıinde shyqqan órt tońazytqyshtyń aqaýy saldarynan bolǵan.
Bul týraly juma, 23 maýsym kúni BBC News habarlady.
Ǵımarattyń syrtqy qaptamasy qajetti synaqtan ótpegendigi atalyp ótildi. Onyń janǵysh materıaldan jasalǵany buryn da aıtylǵan. Polıtsııa «Abaısyzda óltirip alý» baby boıynsha qylmystyq is qozǵaý týraly máseleni qarastyrýda.
Londonnyń batysynda ornalasqan 24 qabattyq ǵımarat 14 maýsym kúni túnde otqa orandy. 150 páter ornalasqan kóp qabatty úı tolyǵymen janyp ketken. Sońǵy derek boıynsha, iz-túzsiz joǵalǵandar men qaza tapqandar sany 79 adamǵa jetken.
