Londonda 360 gradýs beıneli basseın ashylmaq
NUR-SULTAN. QazAqparat - Júzýdi jaqsy kóretin jandar úshin jaqsy jańalyq. Londonda álemde alǵash ret tirkelip otyrǵan, 360 gradýs beıneli, bıikte ornalasqan basseın qurylysy bastaldy, dep habarlaıdy CNN.
Bul basseın Infinity London ǵımaratynyń 55-qabatynda ornalaspaq. Kólemi 600 000 lıtr sý quıaǵa arnalǵan. Ideıa jáne qurylys avtory - Compass Pools kompanııasy. Dızaınerler dál osyndaı bıikte, 360 gradýstyń bárin kórsetetin basseın álemde joq deıdi.
Haýyz akrıldan quıylyp jasalady, astyńǵy edeni men shetindegi qabyrǵalary móldir shyny bolmaq. Sondyqtan ǵımarattyń tómengi qabatynda júrgender joǵaryda júzip júrgen adamdardy kóre alady.
Compass Pools kompanııasynyń dızaıneri Aleks Kemslı kóptegen tehnıkalyq máselelerdiń oryn alǵanyn aıtty, sonyń ishindegi eń kúrdelisi basseınge júzýshilerdiń qalaı enetini uzaq ýaqyt talqylanǵan.
Basseınniń ádemi beınesin saqtap qalý úshin dızaınerler syrtqy jaǵyna, ǵımarattyń aınalasyna eshqandaı saty ornatpaǵan. Burandaly saty sýdyń ishine ornatylmaq. Haýyz túnde «baǵaly fakel» sııaqty jyltyrap, ǵımaratqa ádemi ár bere túsedi dep boljanyp otyr.
Haýyzdyń aınalasyna anemometr ornatylady, ol jeldiń jyldamdyǵyn baqylaıdy. Sýdyń temperatýrasy kompıýterlik júıeniń kómegimen basqarylady.
55 qabatty ǵımarattyń shatyrynda basseın salynǵannan soń, dızaınerler joǵary qabattaryna 5 juldyzdy qonaqúı salýdy josparlaǵan. Haýyz qurylysy 2020 jyly bastalady.
