Londonda 2012 jylǵy Olımpıada oıyndary medaldarynyń tusaýkeseri ótti
ASTANA. 28 shilde. QazAqparat - Londondaǵy oıyndardyń ashylýyna dál bir jyl qalǵanda Anna hanshaıymnyń qatysýymen Olımpıada-2012 medaldarynyń tusaýkeseri ótti, dep habarlaıdy Olimpicblog.ru.
Medaldarda Londonǵa kelý úshin Parfenondy tastap ketetin grektiń Jeńis qudaıy Nıka beınelengen. Emblemasynyń qarsy betinde amfıteatrdy eske túsiretin, «búgingi qalanyń sáýlettik órnegi, metaforasy» salynǵan.
Dıametri 85 mm jáne qalyńdyǵy 7 mm marapattyń salmaǵy - 375-400 gramm. Avtory - dızaıner Devıd Ýotkıns.
Oıyndar barysynda 30-dan astam sport nysandarynda 2100-ge jýyq medal tapsyrylatyn bolady.
