Londonda 110 jasaǵan keıýana ómirden ótti
ASTANA. QazAqparat - Brıtanııa astanasy aýrýhanalarynyń birinde jeksenbi kúni Holokost qyrǵynyn bastan keshken, álemdegi eń jasy úlken adamdardyń biri sanalatyn 110 jastaǵy Alısa Herts-Zommer ómirden ótti.
Bul týraly onyń otbasy músheleri habarlady.
Alısa Herts-Zommer 1903 jyly Pragada evreıler otbasynda dúnıege kelgen, kásibı pıanıst bolǵan.
1943 jyly ol óziniń ulymen qosa Terezıenshtadtqa kontslagerge jiberilgen. Alısanyń kúıeýi men anasy da lagerge qamalǵan, olar sonda ajal qushty.
1949 jyly Herts-Zommer ulymen birge Pragadan Izraıldegi týystaryna kóshken. Onda Londonǵa qonys aýdarǵan 1986 jylǵa deıin Ierýsalım konservatorııasynda otbasy sabaq bergen.
Ótken jyly rejısser Malkolm Klark kontslagerlerdiń burynǵy tutqyn áıeliniń ómiri jaıly «Nómiri altynshy áıel: Mýzyka meniń ómirimdi qutqardy» degen derekti fılm túsirdi. Aǵymdaǵy jyly bul kartına «qysqa derekti fılm» sanatymen «Oskarǵa» usynyldy. Alaıda Herts-Zommer aldaǵy jeksenbi kúni ótetin syıaqy ıegerlerdiń esimderi jarııalanatyn kúnge jete almady.
