London soty elinen qashyp júrgen qytaılyq «krıptojuldyzdy» 12 jylǵa sottady

ASTANA. KAZINFORM — Ulybrıtanııa soty Qytaı azamattarynyń aqshasyn urlap, ony bıtkoınǵa aınaldyrǵan 47 jastaǵy Tsıan Chjımındi 11 jyl 8 aıǵa bas bostandyǵynan aıyrdy, dep habarlaıdy VVS.

Tergeý dereginshe, ol Qytaıdan qashyp, Londonnyń Hempsted aýdanyndaǵy qymbat úıge qonystanǵan. Bir jyldan keıin polıtsııa onyń úıinen álemdegi eń iri krıptovalıýta tárkileýleriniń birin júrgizdi.

Tsıan Chjımın qurǵan kompanııa 100 myńnan astam qytaılyq ınvestordy «densaýlyqqa arnalǵan joǵary tehnologııalyq ónimder men krıptomaınıng jobalaryna ınvestıtsııa salýǵa» shaqyrǵan. Alaıda shyn máninde, ol olardyń qarajatyn ıemdenip, krıptovalıýta satyp alǵan.

2017 jyly Qytaıda tergeý bastalǵan soń, ol jalǵan tólqujatpen Ulybrıtanııaǵa kirip, aıyna 17 myń fýnt turatyn úıdi jaldap turǵan.

Qazir tárkilengen bıtkoındardyń jalpy quny 5 mıllıard fýntqa jýyq. Aldanǵan ınvestorlar Ulybrıtanııa bıliginen aqshalarynyń bir bóligin qaıtaratynyna úmittenip otyr.

Talap etilmegen qarjy ádette Ulybrıtanııa úkimetiniń menshigine ótedi. Sondyqtan keıbireýler brıtanııalyq qazynashylyq bul «oljadan» paıda kórýi múmkin ekenin aıtyp otyr.

Eske sala ketsek, Tramp krıptovalıýta bırjasynyń negizin qalaýshyǵa keshirim bergenin jazdyq.