London sıtı áýejaıynda barlyq reıster keıinge shegerildi
ASTANA. QazAqparat - Ulybrıtanııa astanasyndaǵy London sıtı áýejaıynda barlyq reıster keıinge shegerdi, dep 24.kz habarlaıdy telearnasy. Buǵan «Qaranásildilerdiń ómiri mańyzdy» qozǵalysy belsendileriniń narazylyǵy sebep. Ereýilshiler áýejaıdaǵy jalǵyz ushaqtardyń ushyp-qoný jolaǵyn basyp alǵan. Oqıǵa ornyna polıtseıler keldi. 9 sherýshi áýejaı aýmaǵynda birin-biri kisendep, ketýden bas tartqan.
Sonymen birge, «British airways» áýe kompanııasynyń kompıýter júıelerinen aqaý shyqty. Osyǵan baılanysty London men AQSh aýmaǵyndaǵy áýejaılardyń jumysynda kedergi týyndaǵan. Kompanııa reısterdiń bógelgeni úshin keshirim surady.
Esterińizge sala keteıik, qara násildilerdiń qozǵalysy 2013 jyly Amerıkanyń Kalıfornııa shtatynda polıtseılerdiń áreketine qarsylyq retinde qurylǵan. London sıtı - negizinen qalanyń isker aýdandaryna qyzmet kórsetýge arnalǵan shaǵyn áýejaı. Onda bir ǵana ushyp-qoný jolaǵy bar.
