London polıtsııasy úshinshi oqıǵa týraly habarlady
ASTANA. QazAqparat - London polıtsııasy Týıtterdegi blogynda 3 maýsymnyń keshinde qalada úshinshi oqıǵanyń Voksholl aýdanynda bolǵanyn jazdy, dep habarlaıdy reseılik Lenta.rý .
Londondaǵy kópirden ońtústik batysqa qaraı úsh shaqyrymdaı jerdegi aýdanda bolǵan oqıǵaǵa qatysty naqty málimetter ázirge keltirilmedi.
Sondaı-aq, polıtsııa London kópirindegi júrginshilerdi shaǵyn avtobýstyń soqqany jáne kópirge jaqyn Boro bazarynda adamdarǵa shabýyl jasalǵanyn rastady.
The Sun gazetiniń jazýynsha, London kópiriniń janyndaǵy Boro bazarynda pyshaǵy bar belgisiz adamdar meıramhanaǵa shabýyl jasaǵan.
3 maýsymda keshke qaraı London kópirinde shaǵyn avtobýs shamamen jıyrmadaı bir top júrginshini soǵyp ótken. Kýágerlerdiń aıtýynsha, kólikten úsh adam atyp shyǵyp, 30 santımetrden uzyndaý pyshaqtarymen mańaıdaǵylarǵa shabýyl jasaǵan.
Eske, sala ketsek, buǵan deıin QR SІM Londondaǵy tótenshe oqıǵadan zardap shekkenderdiń arasynda qazaqstandyqtardyń bar-joqtyǵyn tekserip jatqandyǵy týraly habarlanǵan bolatynbyz.
Foto: Hannah Mckay / Reuters
