London polıtsııasy 160-tan astam ereýilshini tutqyndady
ASTANA. 8 tamyz. QazAqparat - Londonda brıtan astanasynyń birqatar aımaqtarynda týyndaǵan tártipsizdik saldarynan ereýilge shyqqan halyq jappaı qamaýǵa alynýda. Jergilikti polıtsııa qyzmetkerleri barlyǵy júzden astam adamdy tutqyndady,
dep habarlaıdy RBK London polıtsııasyna silteme jasap. Buǵan deıin 61 adam qamaýǵa alynǵan bolatyn.
Ereýil tolqyny Tottenhem, Enfıld, Brıkston, Ýoltemstoý jáne Islıngton aýdandaryn qamtydy. Tártip saqshylarynyń boljaýynsha, bul búlik aldyn ala josparlanǵan bolýy múmkin.
Ótken aptada polıtsııa qyzmetkerleri Tottenhemniń ereýilshilerin tynyshtandyrdy. Sonymen qatar jeksenbi kúni keshke, 7 tamyzda, ıt jetektegen polıtsııa qyzmetkerleri Enfıldke de kelip jetti, onda búlikshilik kezinde birqatar dúkenderge shabýyl jasalyp, órtke oranǵan. 8 tamyz kúni tańerteń tártipsizdik Brıkstonǵa aýysty. Onda dúkenderden laýlaǵan otty óshirý úshin alty órt sóndirý jasaǵy jóneltildi.
Turǵyndardyń aıtýynsha, Brıkston kóshesinde tonaýshylar josyp júr. Máselen, Effra Roýdta túrli usaq-túıek salynǵan jáshik áketip bara jatqan jerinen birneshe adam kózge túsken. Tóbeden polıtsııa tikushaqtary torýyldaýda, alaıda,turǵyndardyń aıtýynsha, kóshede tártip saqshylaryn kezdestirý qıyn.
