London polıtseıleri lańkestermen kúrestiń jańa ádisin tapty

ASTANA. QazAqparat - London polıtsııa qyzmetkerleri kólikterde bolatyn lańkestik áreketterdiń aldyn alý maqsatynda jańa ádis oılap tapty. Bul jaıly brıtan polıtsııasy málimdemesine silteme jasaǵan The Times habarlaıdy.

«Avtoterrorısterdi» toqtatý úshin polıtsııaǵa  volframdy ıneleri bar arnaıy tor qoldaný usynyldy.

Jańa arnaıy quralǵa Talon («Tyrnaq») degen at berildi. Bul tor  qozǵalyp kele jatqan kólik quralynyń aldyna jaıylady. Kólik «tyrnaqty» basqan kezde, ıneler  dońǵalaǵyna qadalyp, ony baılap-matap tastaıdy. Osydan keıin dońǵalaqtar aınalmaı, kólik qozǵala almaı qalady.

Mundaı torlardy adamdardyń qaýipsizdigin qamtamasyz etý maqsatynda  kópshilik sharalary ótkiziletin jerlerdiń aınalasyna  jaıyp tastaýǵa bolady.