London, Parıj, Berlın jańa maýsymǵa HVQ basshysyna Lagardty usynyp otyr
ASTANA. QazAqparat - Ulybrıtanııa, Frantsııa, Germanııa, Qytaı jáne Meksıka elderi Halyqaralyq valıýtalyq qorynyń (HVQ) basshysy qyzmetine jańa besjyldyq merzimge taǵaıyndaý úshin Krıstın Lagardtyń kandıdatýrasyn qoldady, dep jazady The Wall Street Journal gazeti.
Lagardtyń kandıdatýrasyna qoldaý bildiretinderdiń kóbeıgeni onyń ornynda qalýy jolyndaǵy kúreste bedeldi qarsylastyń bolmaıtynyn kórsetedi. Halyqaralyq qordyń qazirgi basshysyna kóptegen damýshy elder de daýys berýge daıyn ekendikterin bildirdi.
HVQ sársenbide úılestirýshi-dırektor laýazymyna úmitkerlerdi irikteýdi bastap, ony naýryzdyń basyna qaraı aıaqtaıdy. Іrikteý bastalǵan sátte Ulybrıtanııanyń qarjy mınıstri Djordj Osborn Lagardty osy laýazymǵa qaıta usyndy. Buǵan deıin Lagardtyń ózi de taǵy bes jyl jumys isteýge nıetti ekenidigin bildirgen edi.
Lagardtyń HVQ-nyń qazirgi úılestirýshi-dırektory retinde ókilettigi 2016 jyldyń 5 shildesinde aıaqtalady.
HVQ basshysy bolyp udaıy eýropalyqtar saılanyp keledi.
