London ortalyǵyndaǵy temirjol stansasynda órt shyqty
LONDON. QazAqparat – Londonnyń Elefant-end-Kasl bóligindegi stansada shyqqan órt sóndirildi, dep habarlaıdy QazAqparat Euronews-ke silteme jasap.
Oqıǵa kezinde eki adam zardap shekken. Londonnyń órt sóndirý qyzmeti stansada úsh kommertsııalyq ǵımarat, birneshe kólik pen telefon býdkasy órtengenin rastady.
Órttiń neden shyqqany ázirge belgisiz. Ony sóndirýge 100 órt sóndirýshi jumyldyryldy.
Kýágerlerdiń aıtýynsha, olar órt bastalar aldynda birneshe ret jarylysty estigen. Alaıda polıtsııa bul oqıǵanyń terrorızmge qatysy bolýy yqtımal degen joramaldy joqqa shyǵardy.
Órt saldarynan osy baǵyttaǵy poıyzdar júrisi ýaqytsha toqtatyldy. Sonymen qatar stansaǵa jaqyn úıler men keńselerdegi adamdar evakýatsııalandy.
Foto/ aa.com.tr
