London ortalyǵynda belgisiz bireý adamdarǵa pyshaq alyp júgirdi, qaza tapqandar bar
ASTANA. QazAqparat - Belgisiz bireý Londonnyń ortalyq bóligindegi kóshedegilerge pyshaq ala júgirdi, bir adam qaıtys bolyp, bes adam jaralandy, dep habarlady London polıtsııasyna silteme jasaǵan reseılik RIA Novostı agenttigi.
«Oqıǵa ornynan jaraqat alǵan alty adamdy anyqtaldy», - delingen polıtsııa habarlamasynda. Jaralanǵan bir áıel sol jerde kóz jumdy.
Oqıǵa Rassel-skverde jergilikti ýaqytpen 22:30-da bolǵan. Zardap shegýshiler aýrýhanaǵa jatqyzyldy, olardyń jaǵdaıy anyqtalýda.
Shabýylshy ustaldy, tergeýdiń bul kezeńinde polıtsııa oqıǵanyń terrorızmmen qatysy bar bolýy múmkin dep sanaıdy.
