London: ondaǵan myń adam «breksıtke» qarsy sherýge shyqty
ASTANA. QazAqparat - Ondaǵan myń londondyqtar qala ortalyǵynda Brıtanııanyń Eýroodaqtan shyǵýyna qarsy sherýge shyqty. 23 maýsymdaǵy referendýmnen keıingi eń buqaralyq qarsylyq aktsııasynyń qatysýshylary parlament eldiń EO-dan shyǵýyn boldyrmaýǵa yqpal etedi dep úmittenýde.
«Eýropa úshin sherý» qatysýshylary Gaıd-park shekarasynda jınalyp, úsh shaqyrymdyq jolbaǵytpen úkimet ǵımaratynyń qasynan parlamentke bet aldy. Parlament janynda mıtıng-kontsert josparlanǵan, dep habarlady Bı-bı-sı.
«Biz «breksıtti» toqtata alamyz. /.../ Biz parlamenti aqylǵa qonymdy sheshim qabyldap «breksıtti» qaıta qaraý úshin qajeti nárseniń bárimen qarýlandyra alamyz. Ókimet qaıtkende de halyqtyń qolynda jáne biz nemquraıdy bolmasaq jáne uıymdasa bilsek, jaǵdaıdy ózgerte alamyz», - delingen «Feısbýktiń» sherý paraqshasynda.
Aldymen, 23 maýsymdaǵy referendýmnen keıin eki bastamashyl top - qarapaıym azamattar adamdardy eki qarsylyq marshyn bir jolbaǵytpen bir mezgilde ótkizýge shaqyrdy. Sherýge deıingi eki kún ishinde olar toptasyp, eki paraqshany da "March For Europe" (Eýropa úshin sherý) dep atady.
Ekinshi paraqshada sherýdiń sońǵy pýnktinde, parlament janynda mıtıng-kontsert ótetinin, onda saıasatkerler ǵana emes, mýzykanttar men aqyndar da sóz sóıleıtinin habarlady.
Josparlanǵan sharaǵa áleýmettik jelilerdiń 34 myń paıdalanýshylary qatysatynyn bildirdi, alaıda marshqa odan da kóp adam qatysyp jatqan tárizdi.
Seısenbi kúni Londonnyń ortalyǵynda alǵashqy jartylaı stıhııaly EO-dan shyǵýǵa qarsy alǵashqy mıtıng ótti. Mıtıngige qatysýshylar Trafalgar alańyna jınaldy, odan keıin parlamentke qaraı aýysty.
Brıtanııa turǵyndarynyń kópshiligi Eýroodaqtan shyǵýǵa daýys bergen bolatyn.
Kelesi kúni referendým qorytyndysy jarııalanǵannan keıin qaıta daýys berý ótkizýdi talap etken petıtsııaǵa 2 mıllıonnan astam adam qol qoıdy, búgingi kúni - olardyń sany 4 mıllıonnan asty.
