London Olımpıadasynyń qola júldegeri I.Dychkoǵa Qazaqstannyń eńbek sińirgen sportshysy ataǵy berildi

Atalmysh ataqty búgin Astanada bokstan eresekter arasynda ótken Qazaqstan birinshiliginiń jabylý rásiminde QR Prezıdenti atynan Sport jáne dene shynyqtyrý agenttigi tóraǵasynyń orynbasary Elsııar Qanaǵatov tabys etti.

E.Qanaǵatov mereıi tasyǵan boksshyǵa kelesi Olımpıadada «altynǵa» qol jetkizýdi tilep, oǵan olımpıadalyq sport túrlerin damytýdaǵy eńbegi úshin alǵysyn aıtty.

Aıta keteıik, Londondaǵy Olımpıada oıyndarynyń qola júldegeri Ivan Dychko Qostanaı oblysynyń týmasy, halyqaralyq sanattaǵy sport sheberi. Onyń Vladımır Shaırer, Sapabek Muqyshev atty eki jattyqtyrýshysy bar. Ivan 2008 jyly jastar arasyndaǵy álem chempıonatynyń jáne 2010 jyly Azııa oıyndarynyń kúmis júldegeri, 2011 jyly Álem chempıonatynyń qola júldegeri atanǵan.

Árıne, bul sportshynyń odan da joǵary jetistikterge jetýge áleýeti bar. Biraq, I.Dychkonyń jeńisteri áli alda degen oı keledi. Qazaqstan quramasynda Ivan Dychko tárizdi asa aýyr salmaqtaǵy joǵary klasty sportshy 2000 jyly Sıdneıdegi Olımpıada oıyndarynda kúmis medaldy ıelengen Muhtarhan Dildábekov kezinen beri bolmady. Ivanǵa bolashaq aıqastarynda sáttilik tileıik.