London Olımpıadasynyń qola júldegeri Anna Nurmuhambetova sporttan shettetildi
NUR-SULTAN. QazAqparat -Qazaqstandaǵy dopıngke qarsy ulttyq ortalyqtyń resmı saıty tyıym salynǵan dári-dármekterdi qoldanǵan jáne jarystan shettetilgen sportshylardyń tizimin jarııalady, dep habarlaıdy Olympic.kz.
2020 jyldyń basynan beri tyıym salynǵan dári-dármekter paıdalanǵan 11 atlet anyqtaldy. Onyń ishinde 2012 jylǵy London Olımpıadasynyń qola júldegeri, aýyr atlet Anna Nurmuhambetova da bar. Onyń synamasynan tyıym salynǵan anabolıkalyq sterıod Oral - Týrınabol tabylyp, sportshy tórt jylǵa jarystan shettetildi. Sondaı-aq, shańǵyshy Alekseı Poltaranınge qatysty sheshim qabyldandy. Ol 01.03.2019 jyldan 01.03.2023 jylǵa deıin úlken sporttan syrt qalady.
Dopıngke qarsy erejelerdi buzǵan sportshylar qatarynda Azııa oıyndarynyń qatysýshysy Lıýbov Ýshakova, 2019 jylǵy Azııa chempıonatynyń eki márte júldegeri, trektegi velosporttan Gran-prı týrnıriniń júldegeri Roman Vasılenkov, voleıboldan Qazaqstan komandasynyń múshesi Anton Kýznetsov jáne hokkeıshi Vladıslav Nıkıfırov bar. Olardyń barlyǵy eki jyldan tórt jylǵa deıin sporttan shettetildi.
