London olımpıadasynda altyn alatyn oıymyz bar - bas bapker M.Aıtjanov
ASTANA. 13 qazan. QazAqparat /Arman Asqarov/ - 2012 jyly Londonda ótetin Olımpıadada biz bir altyn, bir kúmis jáne bir qola alamyz dep josparlap otyryz. Búgin Astanada ótken máspasóz máslıhatynda bokstan QR Ulttyq qurama komandasynyń bas bapkeri Myrzaǵalı Aıtjanov osylaı aıtty.
«Baký qalasynda ótken Álem chempıonatynda biz barlyq taktıkalyq qatelerimizdi túsindik. Árıne, ol jarystarda óz úmitin aqtaı almaǵan bokshylarymyz boldy. Oǵan qaramastan, eki kúmis jáne eki qola alý biz úshin - abyroı. Endi, London Olımpıadasynda bir altyn, bir kúmis jáne bir qola alatyn oıymyz bar», - deıdi M.Aıtjanov.
Aıta keteıik, búginde Qazaqstannyń bokstan qurama komandasynda 6 olımpıadalyq joldama bar. Aldaǵy ýaqytta taǵy 4 tórt joldama Astanada ótetin irikteý týrnırinde sarapqa salynbaq.
