London Olımpıadasyna joldamalardy taratý sporttyń 10 túri boıynsha ǵana aıaqtaldy - Pavel Novıkov
ALMATY. 3 aqpan. QazAqparat /Erlik Erjanuly/ - Qazaqstan London Olımpıdasynda Beıjińdegiden sapaly óner kórsetpek.
Ony QR Ulttyq olımpıada komıtetiniń vıtse-prezıdenti Pavel Novıkov búgin Almatyda ótken baspasóz máslıhatynda aıtty.
«Ulttyq olımpıadalyq komıtet sportshylardyń daıyndyǵy men lıtsenzııalyq talaptardyń oryndalýyn árdaıym muqııat qadaǵalap otyrady. Londonda Beıjiń Olımpıadasy deńgeıinde óner kórsetýdi josparlap otyrmyz. Tipti sapa jaǵynan odan joǵary bolýy múmkin», - deıdi Pavel Novıkov.
Ulttyq olımpıada komıtetiniń bas hatshysy Tımýr Dosymbetovtyń aıtýynsha, London Olımpıadasynyń joldamalary qazirgi kezde sporttyń 10 túri boıynsha ǵana aıaqtaldy.
«London Olımpıadasynda Qazaqstan boks, kúres, aýyr atletıka sııaqty elimizde joǵary deńgeıde damyǵan sport túrleri boıynsha júldeli oryndarǵa talaspaq. Sondaı-aq Olımpıada joldamalaryn ıelený áli aıaqtalǵan joq. Sondyqtan onyń sany 64-ten de kóp bolatynyna esh kúmán joq», - dedi T. Dosymbetov.
