London Olımpıadasyna daıyndyq jospary bekitildi

Bul týraly búgin Astanada Qazaqstannyń boks federatsııasy atqarýshy komıtetiniń otyrysynda QR Ulttyq qurama komandasynyń bas bapkeri Myrzaǵalı Aıtjanov málim etti.

Onyń habarlaýynsha, Qazaqstannyń Ulttyq qurama komandasynyń bapkerler keńesi bekitken kestege sáıkes 2012 jylǵy London Olımpıadasyna daıyndyq jumystary kelesi jyldyń qańtar aıynda bastalady. «Qazirgi kezde bizdiń boksshylar Saryaǵash shıpajaıynda dem alyp júr. Ol jerde saýyqtyrý sharalarynan ótkennen keıin olar Astanaǵa kelip, shartty jıyndarǵa qatysady. Sodan soń Almatyda medıtsınalyq tekserýden ótip, arnaıy daıyndyqqa kirisetin bolady. Al jeltoqsan aıynda bizdiń boksshylar Brazılııada ótetin oqý-jattyǵý jıyndarynda óz kúshterin synap kórmek», - deıdi M.Aıtjanov.

Sondaı-aq London Olımpıadasyna deıin Ulybrıtanııa, Reseı, Kýba, Italııa men Ýkraına boksshylarymen birge oqý-jattyǵý jıyndaryn ótkizý josparlanyp otyr.