London Olımpıadasyna daıyndyq óte joǵary deńgeıde ótip jatyr -T. Ermegııaev
ASTANA. 20 maýsym. QazAqparat - Búgin Aqordada QR Memlekettik hatshysy Muhtar Qul-Muhammedtiń tóraǵalyǵymen sporttaǵy joǵary jetistikter men dene shynyqtyrýdyń odan ári damýyna arnalǵan respýblıkalyq keńes ótti.
Keńes barysynda aldaǵy London Olımpıadasyna daıyndyq jumystary da talqylandy.
«Aldynda biz Olımpıadada 13 medaldi ıelený josparyn aıtqanbyz. Onyń ishinde 3 altyndy qanjyǵaǵa baılaý mejelenip otyr. Sol josparymyzdan úmittimiz», - dep atap ótti keńesten keıin QR Sport jáne dene shynyqtyrý isteri agenttiginiń tóraǵasy Talǵat Ermegııaev.
«Atap aıtqanda, bizde búginde Olımpıada boıynsha eshqandaıda problema joq. Daıyndyǵymyz óte joǵary deńgeıde ótip jatyr. Bapkerler men sportshylarǵa barlyq jaǵdaılar jasaldy. Endi sportshylarymyzǵa iske sáttilik tileımiz», - dep túıindedi agenttik basshysy.
