London, Nıý-Iork jáne Shanhaı 2100 jylǵa qaraı sý astynda qalýy múmkin
NUR-SULTAN. QazAqparat - Osy ýaqytqa deıin atmosferaǵa kómirtegi dıoksıdi shyǵyndylaryn tastaý toqtatylmasa, 2100 jylǵa qaraı teńiz deńgeıi bir metrden joǵary kóterilýi múmkin dep eseptelip kelgen edi. Alaıda, brıtandyq jáne amerıkalyq ǵalymdardyń birlesken zertteýleri nátıjesinde bul kórsetkish múldem ózgeshe bolyp shyqty, dep habarlaıdy VVS.
Grenlandııa jáne Antarktıkadaǵy muz jabyndylary aýmaǵynyń azaıý qarqynyna qarap ǵalymdar álemdik muhıttardaǵy sý deńgeıiniń naqty ósý qarqyny eki ese joǵary bolýy múmkin degen qorytyndyǵa keldi.
Klımattyń ózgerýi saldarynan London, Nıý-Iork jáne Shanhaı qalalaryn sý basyp qalýy múmkin. Mıllıondaǵan adamnyń ómir súrý úshin basqa oryn izdeýine týra keledi.
Amerıkalyq Ulttyq ǵylym akademııasynyń jýrnalynda jarııalanǵan ǵalymdardyń boljamyna súıensek, atmosferaǵa SO2 shyǵyndylaryn tastaý toqtatylmasa, 2100 jylǵa qaraı jahandyq ortasha temperatýra 5 gradýsqa jáne muhıt deńgeıi 62-den 238 sm-ge deıin kóteriledi.
Osynyń saldarynan 1,79 mıllıon sharshy shaqyrym jer sý astynda qalyp, 187 mıllıon adam mekendeý ornyn ózgertýge májbúr bolady.
