London Mysyrǵa Hatshepsýt mazarynan urlanǵan qundy jádigerdi qaıtardy
ASTANA. QazAqparat - 1975 jyly Hatshepsýt patshaıymynyń mazarynan urlap, elden zańsyz alyp ketken barelef Mysyrdyń Londondaǵy konsýldyǵyna qaıtaryldy, dep habarlady seısenbi kúni Ahram Online Egıpettiń ejelgi ister mınıstrligine silteme jasap.
Bul rásim Ulybrıtanııa SІM mamandary men brıtandyq mýzeı sarapshylarynyń qatysýymen ótti. Egıpetten 30 jyl buryn zańsyz áketilgen qundy jádiger taıaýda ǵana Ispanııanyń shaǵyn aýktsıonyna qoıylǵan edi. Ony brıtandyq antıkvarıat saýdageri satyp aldy.
Ejelgi ister mınıstrliginiń ókilderi jádigerdi Egıpetke qaıtarýdyń mańyzdylyǵyn, ásirese polshalyq arheologtar mazardy qalpyna keltirý jumystaryn júrgizip jatqan kezde taptyrmaıtyn dúnıe ekendigin atap ótti.
Aıta ketken jón, Hatshepsýt ǵıbadathanasy - bizdiń dáýirimizge deıingi 15 ǵasyrda qurylǵan Jańa patshalyqtaǵy ǵajaıyp eskertkishterdiń biri.
