London metrosyndaǵy terakt: Bas kúdiktige aıyp taǵyldy
BRıÝSSELЬ. QazAqparat - Ulybrıtanııada 18 jastaǵy Ahmed Hasanǵa Londonnyń «Parsons-Grın» metro stantsııasynda bolǵan lańkestik shabýylǵa baılanysty aıyp taǵyldy. Bul týraly juma kúni London polıtsııasy taratqan habarlamasynda aıtyldy, dep habarlaıdy «QazAqparat» HAA menshikti tilshisi.
Juma kúni, 22 qyrkúıekte Ahmed Hasan sotqa keledi. Oǵan jarylǵysh zattardy paıdalanyp, múlikke qasaqana zııan keltirip, adam óltirýge áreket jasady degen aıyp taǵyldy. Ahmed Hasan 16 qyrkúıekte teńiz jaǵasyndaǵy Dývr qalasynda ustaldy. Budan bólek, 25, 30 jáne 17 jastaǵy úsh er azamat tergeý aıasynda qamaýda otyr.
Eske salaıyq, juma kúni, 15 qyrkúıekte Londondaǵy «Parsons-Grın» metro stantsııasynda jarylys boldy. Adam toly vagonda qoldan jasalǵan qýattylyǵy ortasha bomba jarylyp, sonyń saldarynan 30 adam zardap shekti. Bolǵan oqıǵanyń jaýapkershiligin IGIL terrorıstik uıymy óz moınyna aldy.
